Dámoslle a benvida á páxina web do Concello de Ramirás, que é un instrumento fundamental para achegar ao cidadán a todos os servizos municipais e a información de interese que vos invitamos a explorar, facendo así deste espazo una canle comunicativa e interactiva. Ademais, esta será unha xanela que abrirá o noso pobo ao exterior, onde calquera persoa poida coñecer a nosa historia, as nosas tradicións, etc.
Desde o concello seguimos traballando na procura de novos investimentos, encamiñados a mellorar a calidade de vida dos cidadáns. Este foi e segue sendo o compromiso, tanto persoal como do equipo de goberno. Para lograr este obxectivo somos necesarios todos, por iso convídovos a que nos fagades partícipes das vosas suxestións.